TAD-ის გუნდი ესტუმრა აკადემია „სემიტა“-ს, სადაც გაიმართა სალონური საუბრები თემაზე — „არამატერიალური კულტურული მემკვიდრეობა თანამედროვე ქალაქის სივრცეში“. შეხვედრის სპიკერი იყო ურბანისტი და არქიტექტურის დოქტორი, ქალბატონი შორენა წილოსანი.
პრეზენტაციის ფარგლებში განხილულ იქნა არამატერიალური კულტურული მემკვიდრეობის მნიშვნელობა თანამედროვე ურბანულ კონტექსტში, მისი შენარჩუნებისა და ინტეგრაციის გზები ქალაქის სივრცით განვითარებაში. თემამ დიდი ინტერესი გამოიწვია და შეხვედრა გაგრძელდა ცოცხალი დისკუსიით, სადაც მონაწილეებმა საკუთარ მოსაზრებებსა და გამოცდილებას გაუზიარეს ერთმანეთს.
ღონისძიება წარიმართა თბილ და ინტერაქტიულ გარემოში, რომელსაც თან ახლდა ფურშეტი და არაფორმალური კომუნიკაცია, რაც იდეების გაცვლისა და პროფესიული დიალოგის კიდევ უფრო გამყარებას შეუწყო ხელი.
ვიდეოში წარმოგიდგენთ შეხვედრის მნიშვნელოვან მომენტებს და იმ საინტერესო დისკუსიას, რომელიც არამატერიალური კულტურული მემკვიდრეობის თემას თანამედროვე ქალაქის სივრცეში ეძღვნებოდა.
